قصيده رومنسيه

ياعمري الدنيا ماتسوى

تنام وخاطرك زعلان

ولابه شي يستاهل

يخلي قلبك يعاني

طلبتك كان لي خاطر

تبعد عنك الاحزان

فديت عيونك الحلوة

تبسم ولو على شاني

حبيبي صار لي مدة

اشوفك تايه وحيران

وانا والله لاشفتك

حزين تزود احزاني

انا احبك ولاودي

تعيش بدنيتك ندمان

ترى الايام محسوبة

وتالي العمر فاني

تصدق!بسمتك والله

تفرح خاطري الولهان

يطير من الفرح قلبي

ويصير بعالم ثاني

وليا من شفتك بضيقة

احس اني انا الغلطان

اعاتب نفسي بنفسي

ولو ماكنت انا الجاني

غلاك بداخل عروقي

ولايوصل لغلاك انسان

يمر الوقت ويثبت لك

غلاك ان الله احياني

بااضحي بعمري لعيونك

تنام انت وانا سهران

وانادي جروحك لقلبي

وتجي واحد ورى الثاني